RREGULLORE NR. 2001/8

UNMIK/REG/2001/8

6 prill 2001

PËR THEMELIMIN E kËshillit gjyqËsor dhe tË PROKURORISË të KOSOVËs

Përfaqësuesi Special i Sekretarit të Përgjithshëm,

Në pajtim me autorizimin që i është dhënë me Rezolutën 1244 (1999) të Këshillit të Sigurimit të Kombeve të Bashkuara të datës 10 qershor 1999,

Duke marrë parasysh Rregulloren nr. 1999/1, të ndryshuar, të datës 25 korrik 1999 të Misionit të Administratës së Përkohshme të Kombeve të Bashkuara në Kosovë (UNMIK) mbi autorizimet e Administratës së Përkohshme në Kosovë të datës 25 korrik 1999,

Me shpalljen e Rregullores së UNMIK-ut nr. 1999/7, të ndryshuar, të datës 7 shtator 1999 mbi Emërimin dhe Shkarkimin nga Detyra të Gjyqtarëve dhe Prokurorëve dhe Rregullores së UNMIK-ut nr. 1999/18 të datës 18 nëntor 1999 mbi Emërimin dhe Shkarkimin nga Detyra të Ndihmësgjyqtarëve,

Duke e ditur se Komisioni Gjyqësor Këshillëdhënës i themeluar me Rregulloren e UNMIK-ut nr. 1999/7 ka pushuar së funksionuari që nga data 31 dhjetor 2000,

Me qëllim të themelimit të Këshillit Gjyqësor të Kosovës për të përparuar zhvillimin e një drejtësie të pavarur dhe multietnike në Kosovë dhe shfuqizimit të Rregullores së UNMIK-ut nr. 1999/7 dhe Rregullores së UNMIK-ut nr. 1999/18,

Shpall si vijon:

Neni 1

këshilli gjyqësor dhe i PROKURORISë Së Kosovës

1.1 Me këtë themelohet Këshilli Gjyqësor dhe i Prokurorisë së Kosovës (më tej “Këshilli”).

1.2 Këshilli është përgjegjës për ta këshilluar Përfaqësuesin Special të Sekretarit të Përgjithshëm për çështjet që kanë të bëjnë me emërimin e gjyqtarëve, prokurorëve dhe ndihmësgjyqtarëve (gjyqtarëve porotë), sipas nevojës, si dhe për të dëgjuar ankesat kundër cilitdo gjyqtar, prokuror ose ndihmësgjyqtari nëse ka të tilla. Këshilli mund të vendos për sanksione diciplinore, ashtu siç janë parashkruar në nenin 7 dhe të largojë nga detyra gjyqtarët, prokurorët dhe ndihmësgjyqtarët dhe sipas nevojës t’i sygjerojë Përfaqësuesit Special të Sekretarit të Përgjithshëm largimet e tilla. Me kërkesë të Përfaqësuesit Special të Sekretarit të përgjithshëm, Këshilli mund të ofrojë këshilla edhe për çështje të tjera lidhur me sistemin gjyqësor.

1.3 Këshilli miraton kodeksin e etikës për: (a) gjyqtarët; (b) prokurorët; dhe (c) ndihmësgjyqtarët i cili bëhet i plotëfuqishëm pasi ta nënshkruajë Përfaqësuesi Special i Sekretarit të Përgjithshëm.

1.4 Këshilli është i pavarur në ushtrimin e funksioneve të tij.

Neni 2

përbërja

2.1 Këshilli përbëhet nga nëntë (9) anëtarë. Struktura e këshillit duhet të jetë shumetnike dhe të pasqyrojë përvojën në fusha të ndryshme juridike. Anëtarët e Këshillit duhet të jenë profesionistë të dalluar Gjyqësor e veçmas anëtarët e tashëm apo të mëparshëm të organave gjyqësore dhe të proukrorisë, anëtarët e shoqatës së advokatëve, profesorët e drejtësisë, por jo vetëm ata, që i plotësojnë standardet më të larta të efikasitetit, aftësisë dhe ndershmërisë. Ata duhet të jenë të pavarur dhe të paanshëm. Ata nuk mund të mbajnë detyra publike ose detyra tjera, që nuk janë në përputhje me funksionet e tyre si anëtarë të Këshillit.

2.2 Përfaqësuesi Special i Sekretarit të Përgjithshëm, pas këshillimeve të duhura, dhe në pajtim me parimet e lartëpërmendura, i zgjedh dhe emëron anëtarët e Këshillit. Përfaqësuesi Special i Sekretarit të Përgjithshëm e cakton njërin prej këtyre anëtarëve që të shërbejë si Kryeytar të Këshillit.

Neni 3

emërimi dhe mandati i anëtarëve të këshillit

3.1 Pas emërimit, secili anëtar i Këshillit bën betimin solemn para Përfaqësuesit Special të Sekretarit të Përgjithshëm. Forma e betimit është si vijon:

“Solemnisht deklaroj dhe premtoj t’i kryej funksionet që më janë besuar me Rregulloren e UNMIK-ut nr.1999/7 dhe me udhëzimet administrative të nxjerra në përputhje me të dhe të mos kërkojë apo pranojë udhëzime nga çfarëdo burimi tjetër.”

3.2 Përfaqësuesi Special i Sekretarit të Përgjithshëm mund t’ia referojë Këshillit pohimet kundër një anëtari të Këshillit që nuk i ka përmbushur obligimet e tij ose saj sipas kësaj rregulloreje dhe pasi Këshilli ta ketë shqyrtuar pohimin dhe përgjigjen e anëtarit, Përfaqësuesit Special të Sekretarit të Përgjithshëm i paraqet një raport brenda tridhjetë (30) ditëve pas pranimit të pohimit. Përfaqësuesi Special i Sekretarit të Përgjithshëm merrë vendim brenda pesëmbëdhjetë (15) ditëve pas pranimit të raportit. Përfaqësuesi Special i Sekretarit të Përgjithshëm, në rast të pohimeve për sjellje të keqe, e suspendon anëtarin deri sa të mirret vendimi përfundimtar. Pavarësisht nga ajo që u tha më lartë, Përfaqësuesi Special i Sekretarit të Përgjithshëm, në rrethana të jshtëzakonshme, mund të merrë veprime të tilla që i konsideron të arsyeshme në ushtrimin e lirisë së verpmit të tij.

3.3 Mandati i detyrës së anëtarëve të Këshillit zgjat një vit. Ky mandat mund të zgjatet për periudh(ë)a të tilla çfare i përcaktont Përfaqësuesi Special i Sekretarit të Përgjithshëm.

3.4 Me rastin e shkarkimit nga detyra të njërit prej anëtarëve të Këshillit në përputhje me nenin 3.2, ose me rastin e vdekjes apo dorëheqjes së anëtarit, Përfaqësuesi Special i Sekretarit të përgjithshëm emëron anëtarin e ri sa më parë që të jetë e mundur. Anëtari i emëruar në këtë mënyrë shërben për pjesën e mbetur të mandatit të anëtarit të cilin e zëvendëson.

Neni 4

Çështjet procedurale

4.1 Këshilli e zgjedh nga anëtarët e tij zëvendëskryetarin, i cili e kryen detyrën kryetarit, nëse ai mungon përkohësisht.

4.2 Këshilli miraton kodet e etikës të përmendur në nenin 1.3 brenda periudhës prej tre (3) muajve pas mbledhjës së tij të parë. Nëse Këshilli nuk i miraton kodet e etikës brenda kësaj periudhe, Përfaqësuesi Special i Sekretarit të Përgjithshëm i nxjerr këto kode përmes udhëzimit administrativ.

4.3 Këshilli sipas nevojës mund të formojë komisione dhe të caktojë raportues për kryerjen efikase të detyrave të tij.

4.4 Këshilli mblidhet, sipas nevojës, ose në bazë të kërkesës së Përfaqësuesit Special të Sekretarit të Përgjithshëm. Kuorumi për mbledhje është pesë (5) anëtarë të këshillit.

4.5 Vendimet e këshillit duhet të mirren me shumicë absolute të anëtarëve të Këshillit.

Neni 5

emërimi i gjyqtarëve, prokurorëve dhe ndihmësgjyqtarëve

5.1 Këshilli, përmes shpalljes publike, i fton candidatët profesionistë Gjyqësor në Kosovë për të punuar si gjykatës ose prokurorë, si dhe kandidatët e kualifikuar në Kosovë për të punuar si ndihmësgjyqtarë. Këshilli mund të pranojë gjithashtu rekomandime nga autoritetet regjionale dhe komunale, ose autoritetet gjyqësore dhe organet e tjera të profesionit Gjyqësor, lidhur me personat e cilësuar si të përshtatshëm për t’u intervistuar si ndihmësgjykatës. Këshilli i shqyrton kërkesat e individëve të paraqitur dhe ia paraqet me shkrim rekomandimet e veta Përfaqësuesit Special të Sekretarit të Përgjithshëm.

5.2 Në shqyrtimin e kërkesave të kandidatëve, anëtarët e Këshillit duhet të udhëhiqen nga qëllimi i UNMIK-ut për të krijuar një sistem gjyqësor dhe prokurori profesionale, të pavarur, të paanëshme dhe shumetnike.

5.3 Përfaqësuesi Special i Sekretarit të Përgjithshëm emëron gjyqtarët, prokurorët dhe ndihmësgjyqtarët duke marrë parasysh rekomandimet e Këshillit sipas nenit 5.1.

5.4 Këshilli i rekomandon Përfaqësuesit Special të Sekretarit të Përgjithshëm vazhdimin e emërimit të gjyqtarëve që janë duke shërbyer si prokurorë dhe ndihmësgjyqtarë përveç nëse:

(a) gjyqtari ose prokurori nuk ka kualifikimet e kërkuara sipas nenit 6.1 ose nuk ka ushtruar asnjëherë funksionin e tij ose të saj apo ka pushuar së ushtruari atë dhe

(b) ndihmësgjyqtari nuk ka ushtruar funksionin e tij ose të saj apo ka pushuar ta ushtruari atë.

Përfaqësuesi Special i Sekretarit të Përgjithshëm vendos pasi t’i ketë shqyrtuar sygjerimet e Këshillit.

5.5 Një gjyqtar ose prokuror nuk mund të ketë detyrë tjetër publike ose administrative apo të angazhohet në ndonjë punë tjetër të natyrës profesionale, me ose pa shpërblim. Këshilli mund ta autorizojë një gjyqtar ose prokuror sipas kushteve që i konsideron të arsyeshme të angazhohet në aktivitetet e jashtme, për shëmbul të ligjërojë apo të ushtrojë ndonjë funksion në lëminë për të cilën ai ose ai është kompetent, që nuk ndikon në pavarësinë apo dinjitetin e detyrës së tyre.

5.6 Një gjyqtar, prokuror ose ndihmësgjyqtar nuk mund të angazhohet në ndonjë aktivitet që është kundërshtim me funksionet e tij ose të saj, duke përfshirë edhe angazhimin në aktivitetet poltike.

Neni 6

kriteret për përzgjedhjen e kandidatëve për të shërbyer si gjyqtar, prokuror ose ndihmësgjyqtar

6.1 Kanditatët që do të shërbejnë si gjyqtarë dhe prokurorë duhet t’i plotësojnë kriteret e mëposhtëme:

(a) ta kenë kryer fakultetin e drejtësisë;

(b) ta kenë dhënë provimin për kandidatë të organeve të gjyqësisë, në rastin e kandidatëve për postin e gjyqtarit në Gjykatën për Kundërvajtje, ta kenë dhënë provimin profesional;

(b) të kenë vlera të larta morale;

(ç) ta mos kenë dosje penale;

6.2 Përveç në rastin e detyrave në Gjykatën për Kundërvajtje, kandidatët duhet të kenë përvojë përkatëse në fushën e drejtësisë, që do të thotë tri (3) vjet përvojë për detyrën e gjyqtarit (ose prokurorit) të Gjykatës Komunale apo të gjyqtarit në Kolegjin e Apelit për Kundërvajtje, shtatë (7) vjet për detyrën e gjyqtarit (ose prokurorit) në Gjykatën e Qarkut dhe katër (4) vjet për detyrën e gjyqtarit në Gjykatën Tregtare.

6.3 Kandidatët që duhet të shërbejnë si ndihmësgjyqtarë duhet të plotësojnë kriteret e mëposhtëme:

(a) duhet të jenë të paktën njëzetepesë (25) vjeç në datën e paraqitjes së kërkesës;

(b) të kenë vlera të larta morale;

(c) të mos kenë dosje penale dhe

(d) të kenë kulaifikime profesionale dhe përvojë me të miturit, nëse ndihmës-gjykatësit do të do angazhohen në gjykimin e veprimeve që kanë të bëjnë me të miturit.

Neni 7

Sanksionet diciplinore ndaj gjyqtarëve, prokurorëve dhe ndihmës-gjyqtarëve për sjellje të pahijshme

7.1 Këshilli është përgjegjës për dëgjimin e të gjitha rasteve të pohuara për sjellje të pahijshme të gjyqtarëve, prokurorëve apo ndihmësgjyqtarëve për të cilat parashihen masa ndëshkuese.

7.2 Ankesa kundër një gjyqtari, prokurori apo ndihmësgjyqtari mund t’i paraqitet Këshillit drejtpërsëdrejti vetëm nga Përfaqësuesi Special i Sekretarit të Përgjithshëm, ose nga bashkëkryesuesit e Departamentit Administrativ Gjyqësor. Poashtu, Këshilli me vetëiniciativë dhe pasi t’i ketë informuar plotësisht Përfaqësuesin Special të Sekretarit të Përgjithshëm dhe Baskëkryesuesit e Departamentit Administrativ Gjyqësor, mund të inicojë procedurën kundër një gjyqtari, prokurori apo ndihmësgjyqtari lidhur me sjelljet e tilla të pahijshme.

7.3 Procedura diciplinore fillon sapo t’i paraqitet ankesa Këshillit, ose pas marrjes së vendimit të Këshillit për fillimin e një procedure të tillë. Menjëherë pas kësaj, Kryetari i Këshillit cakton njërin nga anëtarët e tij si raportues që merrë obligim hetimin e vetë rastit ose, aty ku Shërbimi i Inspeksionit Gjyqësor kërkohet nga Këshilli, përmes Shërbimit të Inspeksionit Gjyqësor i raporton Këshillit për rezultatin e hetimit. Këshilli e informon personin nën hetime për akuzat, arsyet që e kanë nxitur hetimin dhe të drejtat e tij apo saj për qasje në dosjen e rastit gjatë tërë procesit sa më parë që është e mundur pasi të jetë pranuar ankesa, para datës së paraqitjes së tij apo saj të parë para raportuesit.

7.4 Gjatë kryerjes së detyrave të tij saj apo saj, raportuesi ka autorizime të përgjithshme për inspektimin, verifikimin dhe vlerësimin, duke përfshirë qasjen në cilindo dokument me dobi dhe procedurë gjyqësore si dhe të drejtën për ta marrë në pyetje cilindo person që punon në sistemin e drejtësisë ose çdo person që mund të ofrojë informata relevante lidhur me arsyen e inspektimit.

7.5 Në rasstet kur kërkohet Shërbimi i Inspeksionit Gjyqësor nga Këshilli që të hetohet rasti, raporti i tij i bashkangjitet menjëherë dosjes. Nëse nga Shërbimi i Inspeksionit Gjyqësor nuk është kërkuar kjo, Këshilli, para përfundimit të hetimit, fton Departamentin Administrativ të Drejtësisë të paraqesë me shkrim qëndrimin e tij për rastin i cili poashtu duhet t’i bashkangjitet dosjes.

7.6 Pasi të kryhet hetimi, raportuesi përgatitë një raport që përmban konkluzionet e tij apo saj lidhur me rastin, i cili i bashkangjitet dosjes. Këshilli pastaj, në përputhje me procedurat e krijuara nga ai, e njofton personin nën hetime dhe ia dorëzon atij ose asaj dokumentet që i mbështesin ato pohime. Personi nën hetime ftohet të paraqitet personalisht në seancë, të cilën e mban Këshilli brenda tridhjetë (30) ditëve pas datës kur është bërë njoftimi i lartëpërmendur.

7.7 Personi nën hetime mund të ndihmohet dhe, në rast të sëmundjes ose për arësye të tjera të justifikueshme, të përfaqësohet nga ndonjë shok ose këshilltar juridik të cilit mundësohet shikimi i dosjes, duke përfshirë të gjitha dokumentet e mbledhura gjatë hetimit.

7.8 Mosparaqitja e personit nën hetime, shokut apo këshilltarit juridik që e përfaqëson personin e tillë në seancë nuk e pengon Këshillin që ta shqyrtojë rastin dhe të marrë vendim.

7.9 Gjatë seancës së shqyrtimit, një përfaqësues i Shërbimit të Inspeksionit Gjyqësor, nëse ky i fundit ka marrë pjesë në hetimin e rastit, do të dëgjohet nga Këshilli, do të exohet i raportit i raportuesit dhe personi nën hetime ose shoku apo këshilltari juridik i tij ftohen për t’i paraqitur argumentet e për mbrojteje. Seanca para Këshillit duhet të jetë publike përveç nëse vendoset ndryshe nga Këshilli, kur konsiderohet e arsyeshme, veçmas nëse interesi i drejtësisë e kërkon këtë.

7.10 Këshilli vendos, në përputhje me nenin 4.5, nëse ekzistojnë baza të mjaftueshme që tregojnë se gjyqtari, prokurori apo ndihmësgjyqtari ka bërë sjellje të pahijshme të definuara në nenet 7.11 dhe 7.12, dhe përcakton njërën prej sanksioneve të dhëna prej (a) deri në (c) më poshtë, ose i rekomandon Përfaqësuesit Special të Sekretarit të Përgjithshëm masat e mëpostme ndeshkluese të dhëna prej (ç) deri në (d):

(a) qortimi;

(b) qortimi dhe vërejtja;

(c) suspendimi nga detyra deri në gjashtë (6) muaj (për gjyqtarët dhe prokurorët);

(d) shkarkimi nga detyra (për gjyqtarët dhe prokurorët) ose

(e) shkarkimi nga detyra (për ndihmësgjyqtarët).

7.11 Sjellje e pahijshme e gjyqtarit ose ndihmësgjyqtarit është:

(a) kryerja e një vepre penale;

(b) mosprëfillja e funksioneve gjyqësore;

(c) veprimi që është i papajtueshëm me detyrën e një gjyqtari për të qenë i pavarur dhe i paanshëm;

(d) vënia në pozitë, për shkak të sjelljes personale ose ndonjë shkaku tjetër, që është e papajtueshme me kryerjen e detyrës së tij ose

(e) shkelja e kodeksit të etikës dhe të mirësjelljës.

7.12 Sjellje e pahijshme e prokurorit është:

(a) kryerja e një vepre penale;

(b) mospërfilljqa e funksioneve të prokurorisë;

(c) veprimi në mënyrën e cila është e papajtueshme me detyrën e një prokurori, siç është përcaktuar me ligj;

(d) vënia në pozitë, për shkak të sjelljes personale ose ndonjë shkaku tjetër, që është e papajtueshme me kryerjen e detyrës së tij ose

(e) shkelja e kodeksit të etikës dhe të mirësjelljes.

7.13 Në caktimin apo rekomandimin masave ndëshkuese sipas nenit 7.10, Këshilli duhet të kujdeset që ndëshkimet të jenë proporcionale me sjelljen e pahijshme për të cilën ato shqiptohen.

7.14 Përfaqësuesi Special i Sekretarit të Përgjithshëm e merr parasysh rekomandimin e Këshillit lidhur me shkarkimin nga detyra të një gjyqtari ose prokurori apo shkarkimin e një ndihmësgjyqtari dhe mund të zbatojë mas(ën)at e tilla diciplinore të cilat Përfaqësuesi Special i Sekretarit të Përgjithshëm i konsideron të përshtatshme.

7.15 Përfaqësuesi Special i Sekretarit të Përgjithshëm, në rast të urgjence, dhe pasi të ketë kërkuar këshillën e Kryetarit të Gjykatës në të cilën gjyqtari nën hetime ushtron detyrën e tij, ose të Kryetarit të Gjykatës më të lartë, nëse gjyqtari në fjalë është kryetar i gjykatës më të ultë, propozon që Këshilli ta suspendojë gjyqtarin prej detyrës së tij apo saj deri sa të mirret vendimi përfundimtar përkitazi me atë ankesë. Vendimi i tillë duhet të mirret vetëm nëse këtë e kërkon interesi i drejtësisë dhe ai duhet të jetë i përkohshëm, të mos publikohet dhe gjyqtarit mos të privohet nga marrja e rrogës së tij. E njejta procedurë vlen për prokurorët dhe zëvendësprokurorët dhe, përveç për rrogës, edhe për ndihmësgjyqtarët.

7.16 Suspendimi i përkohshëm pushon së qeni në fuqi nëse pas kalimit të periudhës prej nëntëdhjetë (90) ditësh pas fillimit të procedurës Këshilli nuk e ka ndëshkuar gjyqtarin, prokurorin apo ndihmësgjyqtarin, ose nuk e ka rekomanduar shkarkimin e tij apo saj nga detyra.

Neni 8

shpërblimi dhe mjetet e punës

8.1 Honorari i anëtarëve të Këshillit përcaktohet nga Përfaqësuesi Special i Sekretarit të Përgjithshëm.

8.2 Mjetet e nevojshme për funksionimin e Këshillit sigurohen nga Përfaqësuesi Special i Sekretarit të Përgjithshëm.

Neni 9

Zbatimi

Përfaqësuesi Special i Sekretarit të Përgjithshëm mund të nxjerrë urdhëresa administrative për zbatimin e kësaj rregulloreje.

Neni 10

shfuqizimi

Me këtë shfuqizohen Regulloret e UNMIK-ut nr. 1999/7 dhe 1999/18.

Neni 11

Ligji në fuqi

Kjo rregullore shfuqizon çdo dispozitë të ligjit në fuqi që është në kundërshtim me të.

Neni 12

Hyrja në fuqi

Kjo rregullore do të hyjë në fuqi me 6 prill 2001.

Hans Haekkerup,

Përfaqësues Special i Sekretarit të Përgjithshëm