RREGULLORE NR. 2001/13

UNMIK/REG/2001/13

15 qershor 2001

MBI THEMELIMIN E RADIO TELEVIZIONIT TË KOSOVËS

Përfaqësuesi Special i Sekretarit të Përgjithshëm,

Në pajtim me autorizimin që i është dhënë me Rezolutën 1244 (1999) të Këshillit të Sigurimit të Kombeve të Bashkuara (RKSKB 1244) të datës 10 qershor 1999,

Duke marrë parasysh Rregulloren nr. 1999/1 të datës 25 korrik 1999, të ndryshuar, të Misionit të Administratës së Përkohshme të Kombeve të Bashkuara në Kosovë (UNMIK) mbi autorizimin e Administratës së Përkohshme në Kosovë dhe Rregulloren e UNMIK-ut nr. 2000/36 mbi Licencimin dhe rregullimin e mediave elektronike në Kosovë të datës 17 qershor 2000 mbi,

Me qëllim të themelimit të Radio Televizionit të Kosovës si shërbim i transmetimeve publike në Kosovë,

Shpall sa vijon:

Kapitulli I: Përkufizimet

Sipas kësaj rregulloreje:

(a) “komunitete” nënkupton banorët të cilët i përkasin të njejtit grup etnik, fetar ose gjuhësor.

(b) “banor i Kosovës” nënkupton personin e regjistruar ose me të drejtë përfshirjeje në regjistrin e Zyres Qendrore të Regjistrimit Civil si banor i përhershëm i Kosovës në përputhje me Rregulloren nr. 2000/13 të UNMIK-ut të datës 17 mars 2000 mbi Zyren Qendrore të Regjistrimit Civil.

(c) “Komisari i Përkohshëm i Mediave” nënkupton Komisarin e Përkohshëm për Media (më tej “KPM”) siç është përcaktuar në Rregulloren nr. 2000/36 të UNMIK-ut të datës 17 qershor 2000 mbi Licencimin dhe Rregullimin e Mediave Elektronike në Kosovë. Referimi në KPM në këtë rregullore përfshin gjithashtu çdo pasardhës në KPM-së të caktuar nga Përfaqësuesi Special i Sekretarit të Përgjithshëm.

KAPITULLI II: RADIO TELEVIZIONI I KOSOVËS

Neni 1

THEMELIMI I RTK-SË SI SHËRBIM I TRANSMETIMEVE PUBLIKE

1.1 Me këtë themelohet Radio Televizioni i Kosovës (në tekstin e mëtjmë “RTK”), si organizatë jofitimprurëse e shërbimit të transmetimeve publike.

1.2 RTK-ja ka cilësinë e subjektit juridik, duke përfshirë të drejtën për të fituar, mbajtur dhe shitur pronën dhe gëzon autonomi vepruese e administrative, përveç rasteve kur është caktuar në mënyrë specifike me këtë rregullore dhe ligjin në fuqi.

1.3 RTK-ja e ka selinë në Prishtinë dhe ofron shërbim cilsor të transmetimit në tërë Kosovën që paraqet parimet udhëzuese të shërbimit të transmetimeve publike. Parimet udhëzuese kërkojnë nga RTK-ja që:

(a) Të jetë e pavarur dhe e paanshme, duke pasqyruar integritetin dhe objektivitetin redaktues;

(b) Të përfshijë lajmet e plota, të paanshme dhe të matura dhe programet mbi çështjet aktuale duke përfshirë ngjarjet brenda Kosovës dhe ato ndërkombëtare;

(c) Të ofrojë kohën kryesore të lajmeve, prej të cilës jo më pak se 15 % është në gjuhën(t) e komuniteteve në Kosovë përveç gjuhës së popullatës shumicë;

(ç) Të përkrah zhvillimin kulturor dhe të shpreh llojllojshmërinë kulturore të Kosovës;

(d) T’u ofrojë të gjitha komuniteteve në Kosovë mundësinë e shprehjes, përmes formimit të Zyres së shërbimeve programore për t’i përkrahur komunitetet e tilla, duke u kushtuar jo më pak se 15 % të skemës programore të RTK-së dhe duke përfshirë kohën kryesore të lajmeve në gjuhë(n)t e komuniteteve përveç gjuhës së popullatës shumicë në televizion dhe në transmetimet e kombinuara të radio-frekuencave të RTK-së.

(dh) Të vendos ekuilibër mes skemës programore me interes të përgjithshëm dhe programeve të veçanta të cilat i plotësojnë nevojat e shikuesve-dëgjuesve të ndryshëm;

(e) Të Mbuloj]ë në mënyrë adekuate seancat e organeve kryesore vendimmarrëse;

(ë) Të përfshijë programet të cilat janë me interes për regjionet e ndryshme të Kosovës;

(g) Të sigurojë emitimin e shpalljeve të rëndësishme publike;

(h) Të ofrojë përpjestim të aryeshëm të programeve edukative dhe programeve për fëmijë;

(i) Të përkrahë produksionin e programeve vendees dhe

(j) Të kontribuojë në debatet informative dhe mendimin kritik

1.4 RTK-ja bën përpjekje të sigurojë 20 % të produksionit vendës në transmetimet e përgjithshme, duke mos i përfshirë këtu programet e lajmeve, nga producentët e pavarur në Kosovë.

1.5 RTK-ja krijon arkivin e transmetimeve të prgogrameve të prodhimit vendës, që përfshinë në veçanti:

(a) Ngjarjet me rëndësi për Kosovën;

(b) Programet të cilat në mënyrë kuptimplote pasqyrojnë kulturën e Kosovës;

(c) Programet të cilat trajtojnë çështje të rëndësishme sociale;

(d) Programet edukative;

(e) Programet tjera që vlerëshen të përshtatshme nga drejtori i përgjithshëm i Transmetimit.

1.6 RTK-ja mban takime publike një herë në vit për të marrë mendimin e komunitetit dhe për t’u përgjigjur në çështjet e ngritura nga shoqëria që kanë të bëjnë me punën e saj.

KAPITULLI III: STRUKTURA E RTK-së

Neni 2

PËRBËRJA E RTK-SË

RTK-ja përbëhet prej dy organeve: Bordi i Drejtorëve (në tekstin e mëtejmë “Bordi i RTK-së”); dhe Bordi i Transmetimeve.

Neni 3

FUNKSIONET E BORDIT TË RTK-SË

3.1 Bordi i RTK-së emëron drejtorin e përgjithshëm të Transmetimit (në tekstin e mëtejshëm “drejtori përgjithshëm”) dhe zëvendësdrejtorin e përgjithshëm të Transmetimit (në tekstin e mëtejshëm “zëvendësdrejtori i përgjithshëm”) në përputhje me nenin 9 të kësaj rregulloreje.

3.2 Bordi i RTK-së, pas konsultimit me drejtorin përgjithshëm dhe personelin për çështje të Transmetimit dhe me palët e interesuara, përkufizon politikën dhe procedurat e RTK-së në përputhje me kërkesat e parashtruara në nenin 1.3 të kësaj rregulloreje, parimet dhe politikën e formuar nga KPM dhe kushtet e përgjithshme e të veçanta të licencave siç janë përkufizuar nga KPM.

3.3 Bordi i RTK-së, pas konsultimit me Drejtorin Përgjithshëm, përgatit buxjetin vjetor të RTK-së, të cilin ia paraqet për miratim Përfaqësuesit Special të Sekretarit të Përgjithshëm përmes Autoritetit Qendror Fiskal në kuadër të Buxhetit të Konsoliduar të Kosovës. Buxheti përfshin honoraret, shpenzimet e arsyeshme, mbështetjen e duhur administrative, shpenzimet kapitale të arsyeshme, kuadri, shpenzimet e programit, objektet, dhe shpenzimet përcjellëse të nevojshme për të dy organet e RTK-së dhe është në përputhje me procedurat normale të Buxhetit të formuara nga Përfaqësuesi Special i Sekretarit të Përgjithshëm dhe Autoritetit Qendror Fiskal. Administrimi i financave të RTK-së i nënshtrohet procedurave të kontrollit të caktuara nga Përfaqësuesit Special i Sekretarit të Përgjithshëm.

3.4 Bordi i RTK-së, pas konsultimit me Drejtorin Përgjithshëm të Operativës së Transmetimeve, brenda 2 muajve në fund të secilit vit kalendarik, përgatit dhe ia paraqet Këshilit Tranzitor të Kosovës dhe Përfaqësuesit Special të Sekretarit të Përgjithshëm një raport vjetor, i cili përfshin detajet e gjendjes financiare të RTK-së, skemat programore, politikën redaktuese dhe veprimtarinë në vitin paraprak, duke përfshirë informatat lidhur me përmbushjen e mandatit të RTK-së siç është përkufizuar, ndër të tjera, me parimet udhëzuese të shërbimit të transmetimeve publike të parashrtuara në nenin 1.3 të kësaj rregulloreje. Raporti vjetor duhet të përfshijë në hollësi synimet dhe parashikimet për vitin pasues. Raporti vjetor duhet t’i vihet në dispozicion edhe publikut.

Neni 4

PËRBËRJA E BORDIT TË RTK-SË

4.1 Bordi i RTK-së përbëhet prej nëntë anëtarëve prej të cilëve tre janë anëtarë ndërkombëtarë dhe gjashtë janë qytetarë të Kosovës (në tekstin e mëtejshëm “anëtarët vendës”).

4.2 Anëtarët e Bordit të RTK-së i emëron Përfaqësuesi Special i Sekretarit të Përgjithshëm, me rekomandimin e Zëvendëspërfaqësuesit Special të Sekretarit të Përgjithshëm për Ndërtimin e Institucioneve.

4.3 Lidhur me rekomandimet që kanë të bëjnë me emërimin e tre anëtarëve vendës të Bordit të RTK-së, Zëvendësi i Përfaqësuesit Special të Sekretarit të Përgjithshëm për Ndërtimin e Institucioneve do t’i marrë parasysh propozimet e paraqitura nga Senati i Universitetit të Prishtinës, Shoqata e Gazetarëve të Kosovës dhe Unioni i Punëtorëve të RTK-së. Sa i përket emërimit të tre anëtarëve tjerë vendës të Bordit të RTK-së, Zëvendëspërfaqësuesi Special i Sekretarit të Përgjithshëm për Ndërtimin e Institucioneve do t’i ketë parasysh propozimet e paraqitura nga Kuvendi i OJQ-ve ose institucionet tjera të përshtatshme të shoqërisë civile. Zëvendëspërfaqësuesi Special i Sekretarit të Përgjithshëm për Ndërtimin e Institucioneve do të përkujdeset që procedurat e propozimit të jenë të hapura dhe transparente. Zëvendëspërfaqësuesi Special i Sekretarit të Përgjithshëm për Ndërtimin e Institucioneve, në konsultim me Këshillin e Përkohshëm Administrativ, do të kujdeset poashtu që rekomandimet e bëra Përfaqësuesit Special të Sekretarit të Përgjithshëm për emërimin e anëtarëve vendës të Bordit të RTK-së të pasqyrojnë një shtresë të gjërë të shoqërisë civile dhe multietnike dhe të regjioneve të Kosovës. Së paku dy prej anëtarëve vendës të Bordit të RTK-së duhet të të jenë femra.

4.4 Kandidatët e propozuar për anëtarë të Bordit të RTK-së duhet të posedojnë përvojë profesionale e cila u do t’u mundësojë atyre të japin kotribut të rëndësishëm në funksionet e Bordit dhe, gjatë kohës sa zgjat emërimi i tyre, të mbështesin parimet udhëheqëse të shërbimit të transmetimeve publik të parashtruara në nenin 1.3 të kësaj rregulloreje.

4.5 Ansjë person nuk mund të bëhet ose mbetet anëtar i Bordit të RTK-së nëse ai ose ajo:

(a) Është i(e) punësuar në shërbimin publik në Kosovë;

(b) Mban funksion të zgjedhur publik;

(c) Është anëtar i organit ekzekutiv të ndonjë partie politike;

(ç) Ka interes financiar të drejtpërdrejtë ose indirekt në telekomunikacion ose transmetim dhe

Është dënuar, pas procesit të rregullt dhe në përputhje me standardet e pranuara ndërkombëtare për ndonjë vepër penale që ka të bëjë me dhunën apo me ndonjë veprim të pandershëm, për të cilën ai ose ajo nuk është falur zyrtarisht dhe ligjërisht.

Neni 5

Kohëzgjatja e EMËRIMEVE në Bordin e RTK-së

5.1 Në radhën e parë të emërimeve pas formimit të Bordit të RTK-së:

(a) Dy anëtarë ndërkombëtar emërohen për një mandat njëvjeçar;

(b) Një anëtar ndërkombëtar emërohet për një mandat gjashtë mujor;

(c) Tre anëtarë vendës emërohen për një mandat dy vjeçar;

(d) Tre anëtarë vendës emërohen për një mandat një vjeçar.

5.2 Emërimet e bëra pas radhës së parë të emërimeve për anëtarët ndërkombëtarë do të jenë mandate njëvjeçare ndërsa për anëtarët vendës mandate janë dyvjeçare.

5.3 Anëtarët e Bordit të RTK-së mund të riemërohen për një ose më shumë mandate tjera nga Përfaqësuesi Special i Sekretarit të Përgjithshëm me rekomandimin e Zëvendëspërfaqësuesit Special të Sekretarit të Përgjithshëm për Ndërtimin e Institucioneve.

Neni 6

Largimi nga Bordi i RTK-së dhe SjelljA e Anëtarve

6.1 Me rekomandimin e Zëvendëspërfaqësuesit Special të Sekretarit të Përgjithshëm për Ndërtimin e Institucioneve, Përfaqësuesi Special i Sekretarit të Përgjithshëm e largon anëtarin nga Bordi i RTK-së kur ai ose ajo konsideron se mund të zbatohet cilado prej kushteve për largimin e kandidatit të parashtruara në nenin 6.2.

6.2 Arësyet për largimin e anëtarit të Bordit të RTK-së përfshijnë:

(a) Anëtari i cili e humb të drejtën për vazhdimin e anëtarësisë në përputhje me nenin 4.5 më lartë;

(b) Anëtari i cili nuk i kryen detyrat e tij ose saj në mënyrë efikase, ose vepron në mënyrë të papajtueshme me këtë rregullore ose me parimet që i përmban RKSKB 1244 dhe

(c) Anëtari i cili, pa arsye, nuk merr pjesë në tri mbledhje të njëpasnjëshme të Bordit.

6.3 Në bazë të rekomandimeve të parashtruara nga Zëvendëspërfaqësuesit Special të Sekretarit të Përgjithshëm për Ndërtimin e Institucioneve, Përfaqësuesi Special i Sekretarit të Përgjithshëm emëron anëtarin e ri për të zëvendësuar cilindo anëtar që është larguar nga Bordi i RTK-së. Anëtari i emëruar në këtë mënyrë shërben për pjesën e mbetur të mandatit të anëtarit të zëvendësuar.

6.4 Anëtarët e Bordit të RTK-së nuk bën të kërkojnë apo të pranojnë udhëzime për kryerjen e detyrave të tyre nga ndonjë autoritet tjetër, përveç siç është përcaktuar me ligj.

6.5 Anëtarët e Bordit të RTK-së nuk mund të keqpërdorin emërimin e tyre për përfitime personale, apo për përfitime të ndonjë pale apo subjekti tjetër të RTK-së.

Neni 7

Procedurat e Bordit të RTK-së

7.1 Zëvendësi i Përfaqësuesit Special të Sekretarit të Përgjithshëm për Ndërtimin e Institucioneve e thërret mbledhjen e parë të Bordit të RTK-së sa më parë që është e mundur pas përfundimit të radhës së parë të emërimeve.

7.2 Në mbledhjen e parë, Bordi i RTK-së, me shumicë votash, zgjedh kryetarin dhe nënkryetarin e tij nga radha e anëtarëve të Bordit.

7.3 Mandati i kryetarit dhe nënkryetarit është më së shumti një vjet, dhe mund të ripërtërihet nga Bordi i RTK-së me shumicë votash.

7.4 Drejtori përgjithshëm merr pjesë në mbledhjet e Bordit të RTK-së si anëtar pa të drejtë votimi.

7.5 Kryetari thërret një herë në muaj mbledhjet e Bordit të RTK-së. Nën drejtimin e kryetarit ose me kërkesë të jo më pak se katër anëtarëve, duke mos përfshirë drejtorin e përgjithshëm, Kryetari i thërret mbledhjet plotësuese sipas nevojës.

7.6 Kuorumi i mbledhjeve të Bordit të RTK-së është pesë anëtarë, duke mos përfshirë drejtorin përgjithshëm.

7.7 Bordi i RTK-së e përpilon rregulloren e punës, ashtu siç kërkohet për kryerejn e funksioneve të tij në mënyrë të hapur dhe transparente.

Neni 8

Funksionet e Bordit të Transmetimeve

8.1 Nën drejtimin e drejtorit të përgjithshëm, Bordi i transmetimeve zbaton të gjitha aspektet e politikës së shërbimit të transmetimeve publike ashtu siç është përkufizuar nga Bordi i RTK-së në suaza të buxhetit të formuar dhe të miratuar sipas kësaj rregulloreje dhe në përputhje me kushtet e kriteret e transmetit të përcaktuara nga KPM në licencat e RTK-së dhe instrumentet e tjera në fuqi sipas nenit 3.2 të kësaj rregulloreje.

8.2 Bordi i transmetimeve i bën rekomandime Bordit të RTK-së lidhur me çështjet e politikës dhe çështjet e tjera që kanë të bëjnë me Buxhetin dhe administratën.

8.3 Bordi i Transmetimeve ka përgjegjësi të vetme, në suaza së kësaj rregulloreje dhe politikës së formuar nga Bordi i RTK-së, për të gjitha vendimet dhe zbatimin që ka të bëjë me programimin dhe transmetimin e programeve, për të gjitha aspektet e zhvillimit programor.

8.4 Shërbimi i transmetimit i rekomandon Bordit të RTK-së, për miratim, Kodeksin e Sjelljes të RTK-së.

8.5 Pas miratimit të Kodeksit të Sjelljes të RTK-së nga Bordi i RTK-së, Shërbimi i transmetimit vendos dhe i fuqizon procedurat e nevojshme administrative për implementimin e tij në pajtim me nenin 3.2.

Neni 9

Drejtori Përgjithshëm

9.1 Drejtori Përgjithshëm, në përputhje me politikën e përcaktuar nga Bordi i RTK-së dhe KPM, është përgjegjës për të gjitha aspektet e menagjimt të çështjeve të transmetimit.

9.2 Drejtori Përgjithshëm duhet të jetë person me përvojë të gjatë në menagjimin e transmetimeve. Drejtorin e përgjithshëm e ndihmon zëvendësdrejtori i përgjithshëm i cili është banor i Kosovës.

9.3 Pas hyrjes në fuqi të kësaj rregulloreje, Zëvendësi i Përfaqësuesit Special të Sekretarit të Përgjithshëm për Ndërtimin e Institucioneve emëron ushtruesin e Drejtorit Përgjithshëm që ta ushtrojë këtë detyrë deri më 31 dhjetor 2001. Bordi i RTK-së emëron drejtorin përgjithshëm të ri në përputhje me këtë rregullore, emërim i cili hyn në fuqi prej datës 1 janar 2002. Emërimi mund të përtërihet me pëlqimin e jo më pak se gjashtë anëtarëve të Bordit të RTK-së, duke përfshirë së paku një anëtar ndërkombëtar. Mandati i emërimit është dy vite.

9.4 Sa më parë që të jetë e përshtatshme, pas hyrjes në fuqi të kësaj rregulloreje, Bordi i RTK-së emëron zëvendësdrejtorin përgjithshëm. Emërimi mund të përtërihet me pëlqimin e jo më pak se gjashtë anëtarëve të Bordit të RTK-së, duke përfshirë së paku një anëtar ndërkombëtar. Mandati është dyvjeçar.

9.5 Drejtori përgjithshëm dhe zëvendësdrejtori i përgjithshëm, për kohën sa zgjat emërimi i tyre, mbështesin parimet udhëheqëse të shërbimit transmetimeve publike të parashtruara në nenin 1.3 të kësaj rregulloreje.

9.6 Ansjë person nuk mund të bëhet ose mbetet drejtor përgjithshëm ose zëvendësdrejtor përgjithshëm nëse ai apo ajo:

(a) Është i(e) punësuar në shërbimin civil të Kosovës;

(b) Mban funksion publik të zgjedhur;

(c) Është anëtar i organit ekzekutiv të ndonjë partie politike;

(ç) Ka interes financiar të drejtpërdrejtë ose indirekt në telekomunikacion ose transmetim ose

(d) Është dënuar pas procesit të rregullt, në përputhje me standardet e pranuara ndërkombëtare, për ndonjë vepër penale që ka të bëjë me dhunën ose ndonjë veprim të pandershëm për të cilën ai ose ajo nuk është falur zyrtarisht dhe ligjërisht.

9.7 Bordi i RTK-së e largon drejtorin përgjithshëm ose zëvendësdrejtorin e përgjithshëm nga funksioni, me pëlqimin e jo më pak se gjashtë anëtarëve të Bordit të RTK-së, duke përfshirë së paku një anëtar ndërkombëtar kur:

(a) Drejtori përgjithshëm ose zëvendësdrejtori përgjithshëm e humb të drejtën për të vazhduar ushtrimin e funksionit të tij apo saj në përputhje me nenin e mësipërm 9.6 ose kur

(b) Drejtori përgjithshëm ose zëvendësdrejtori i përgjithshëm nuk i kryen detyrat e tij apo të saj në mënyrë efikase, ose vepron në mënyrë të papajtueshme me këtë rregullore ose me parimet që i përmban RKSKB 1244.

9.8 Nëse drejtori përgjithshëm jep dorëheqje ose largohet prej funksioni, Zëvendësi i Përfaqësuesit Special të Sekretarit të Përgjithshëm për Ndërtimin e Institucioneve emëron një person për të ushtruar përkohësisht atë detyrë deri sa Bordi i RTK-së, me votën e jo më pak se gjashtë anëtarëve, duke përfshirë së paku një anëtar ndërkombëtar, zgjedh drejtorin përgjithshëm të ri, duke patur parasysh faktin se nëse ushtruesi i Drejtorit Përgjithshëm i emëruar në përputhje me nenin 9e mësipërm 9.3 jep dorëheqje ose shkarkohet nga detyra, Zëvendësi i Përfaqësuesit Special të Sekretarit të Përgjithshëm për Ndërtimin e Institucioneve emëron drejtorin e ri të përgjithshëm që të shërbejë për pjesën e mbetur të mandatit të ish ushtruesit të Drejtorit Përgjithshëm. Nëse zëvendësdrejtori i përgjithshëm jep dorëheqje ose largohet prej funksionit, Bordi i RTK-së emëron një nëpunës të lartë të Shërbimit të Transmetimeve, që përkohësisht ta ushtrojë këtë detyrë deri atëherë kur Bordi i RTK-së, me votën e jo më pak se gjashtë anëtarëve, duke përfshirë së paku një anëtar ndërkombëtar, zgjedh zëvendëson drejtorin përgjithshëm të ri.

Neni 10

Personeli i Operativës së Transmetimeve

10.1 Drejtori përgjithshëm, në suaza të Buxhetit të miratuar të RTK-së, emëron sipas nevojës personelin për t’i përmbushur përgjegjësitë e punëve të Transmetimit.

10.2 Drejtori Përgjithshëm dhe personeli nuk mundtë të kërkojnë apo pranojnë udhëzime për kryerjen e detyrave të tyre nga ndonjë autoritet tjetër i Bordit të RTK-së ose i KPM-së, përveç siç është përcaktuar me ligj.

10.3 Drejtori Përgjithshëm dhe personeli nuk bën ta keqpërdorin emërimin e tyre për përfitime personale ose për përfitime të ndonjë pale apo subjekti tjetër të RTK-së.

KAPITULLI IV: FINANCIMI I RTK-së

Neni 11

Burimet e financimit të RTK-së

11.1 Buxheti vjetor i RTK-së, që paraqite për miratim në përputhje me nenin 3.3, duhet të përfshijë vlerësime të qarta të të ardhurave të përgjithshme që parashihen nga të gjitha burimet.

11.2 RTK-ja financohet nga të ardhurat që krijohen nga parapagimi. Detajet e parapagimit për programeve transmetimit publik, duke përfshirë përvetësimin e të ardhurave të krijuara nga parapagimi, do të caktohen në një urdhëresë administrative e cila do të nxirret nga Përfaqësuesi Special i Sekretarit të Përgjithshëm.

11.3 RTK-ja mund të krijojë poashtu të ardhura plotësuese brenda udhëzimeve dhe kufijve që do të parashtrohen më në rregullore apo urdhëresë administrative të nzjerrë nga Përfaqësuesi Special i Sekretarit të Përgjithshëm.

11.4 Përveç kësaj, Bordi i RTK-së mund të kërkojë mjete finnaciare nga Buxheti i Konsoliduar i Kosovës. Çdo ndarje e mjeteve për këtë qëllim i nënshtrohet procedurave të përcakruara të Buxhetit të Konsoliduar të Kosovës.

KAPITULLI V. ZBATIMI

Neni 12

ZBATIMI

Përfaqësuesi Special i Sekretarit të Përgjithshëm mund të lëshojë urdhëresa administrative për zbatimin e kësaj rreguloreje.

Neni 13

LIGJI NË FUQI

Rregullorja aktuale shfuqizon çdo dispozitë të ligjit në fuqi që është në kundërshtim me të.

Neni 14

HYRJA NË FUQI

Kjo rregullore hyn në fyqi më 15 qershor 2001.

Hans Haekkerup

Përfaqësues Special i Sekretarit të Përgjithshëm,