24 gusht 2021

Grupi për Siguri dhe Barazi Gjinore (GSBGJ) dënon ashpër vrasjen e vajzës 18 vjeçe e cila u soll pa shenja jete në Spitalin e Ferizajt të dielën, më 22 gusht. GSBGJ u bën thirrje institucioneve përkatëse të marrin masa efektive për t’i hetuar në hollësi rrethanat që çuan në vdekjen e viktimës dhe të sjellin drejtësi për viktimën. Gjithashtu, GSBGJ u bën thirrje institucioneve përkatëse që të promovojnë dhe zbatojnë masa për parandalimin e dhunës me bazë gjinore.

Parandalimi dhe trajtimi i dhunës me bazë gjinore, dhunës kundër grave është detyrim ligjor dhe moral që kërkon veprime konkrete nga ekzekutivi, legjislativi dhe gjyqësori.

Siç është sqaruar nga prokurori përgjegjës, rasti në fjalë është duke u hetuar si "Vrasje e rëndë” sipas nenit 173 të Kodit Penal të Kosovës. Ky rast duhet të trajtohet më tej në përputhje me Konventën e Këshillit të Evropës për parandalimin dhe luftimin e dhunës ndaj grave dhe dhunës në familje (Konventa e Stambollit), e inkorporuar në nenin 22, paragrafi 9, të Kushtetutës së Kosovës. Në lidhje me këtë, neni 50 i Konventës së Stambollit (reagim, parandalim dhe mbrojtje të menjëhershme) parasheh si vijon: “Duhet të merren masa efektive për të parandaluar format më mizore të dhunës që janë vrasja ose vrasja në tentativë. Çdo rast i tillë duhet të analizohet me kujdes për të identifikuar çfarëdo dështimi të mundshëm të mbrojtjes me qëllim të përmirësimit dhe zhvillimit të masave të mëtejshme parandaluese. ”

Për të siguruar mbrojtjen e grave nga çdo formë dhune, GSBGJ u bën thirrje institucioneve që të marrin parasysh sa vijon:

• Institucionet e Kosovës duhet të ndërmarrin veprime konkrete për të parandaluar dhunën kundër grave dhe vajzave, për t’i mbrojtur viktimat, për t’i ndjekur penalisht dhe dënuar kryerësit në përputhje me Konventën e Stambollit.

• Duhet të ndërmerren hapat e nevojshëm për përfshirjen e materialeve edukative për çështje të tilla si "barazia midis grave dhe burrave, rolet gjinore jo të stereotipizuara, respekti reciprok, zgjidhja e konflikteve në marrëdhëniet ndërpersonale në mënyrë jo të dhunshme, dhuna me bazë gjinore kundër grave dhe e drejta për integritet personal."

Jemi gjithashtu të shqetësuar për deklaratat në fazën paragjyqësore nëpër rrjete sociale, të cilave nuk duhet t’u jepet hapësirë apo të promovohen duke i shpërndarë më tej. Ftojmë njëherësh mediet për kujdes, verifikim dhe raportim të kujdesshëm të këtij dhe gjitha rasteve të dhunës.

GSBGJ u përcjellë ngushëllimet e përzemërta familjes dhe miqve të viktimës.

Note to press:

The Security and Gender Group (SGG) is a multi-stakeholder group, chaired by UN Women. The following signatories are members of SGG and support this public statement:

International organizations: UN Kosovo Team agencies including the Office of the UN Development Coordinator, International Organization for Migration (IOM Kosovo) , United Nations Development Programme (UNDP Kosovo), United Nations Children’s Fund (Unicef Kosovo Programme), United Nations Human Settlements Programme (UN-Habitat Kosovo), Office of the High Commissioner for Human Rights (OHCHR), United Nations Population Fund (UNFPA Kosovo, World Health Organization (WHO), United Nations Office for Project Services (UNOPS Kosovo), Office of the United Nations High Commissioner for Refugees (UNHCR Kosovo); UNMIK - United Nations Mission in Kosovo; EU Office/EUSR EULEX Kosovo (Official) ; OSCE Mission in Kosovo; Suomen suurlähetystö Pristina - Embassy of Finland in Pristina British Embassy Pristina

Women’s organizations and NGOs: SIT - Center for Counseling, Social Services and Research; Kosova Women's Network; Youth Initiative for Human Rights - Kosovo (YIHR KS); Jahjaga Foundation; Qendra Kosovare për Studime Gjinore

Kosovo Institutions: Agjencia për Barazi Gjinore/ Zyra e Kryeministrit